Өзім түс жору немесе түс жору жайында білмеймін.....
сайтта жауап беретін адамдар болса қанекей....

дегенмен Пайғамбарымыз с.а.с. "Түстеріңді жақсы адамдарға айтыңдар, айтпасаңдар одан жақсы" деген..

кім біледі кімнің қалай жоратындығын?

Адамның түс көруі үш түрлі болады. Біріншісі: шыншыл түс. Бұл Аллаһ тағаладан болатын түс түрі.
Екіншісі: адамның бір нәрсені көп ойлауы себепті туған түс. Адам бір нәрсені аңсап, көп ойласа, сол нәрсені түсінде көруі мүмкін. Бұл табиғи түс.
Түстің үшінші түрі: «Хулм» деп аталады. Бұл шайтан тарапынан келетін түс түрі. Адамның түсінде жағымсыз нәрселер көруі осы түс түріне жатады.
Осы жерде біз бірінші түрін талқылаймыз. Шыншыл түс-пайғамбарлықтың бір бөлігі әрі пайғамбарларға қатысты айтылғанда уахи болып табылады. Ал уахи деген нәрсе тек пайғамбарларға қатысты қасиет, әрі бұл нәрсе пайғамбарымыз Мұхаммедтен кейін енді ешкімге де келмейді.
Алайда кейбір адамдар да шыншыл түс көріп, сол түсі өңінде орындалып жатуы мүмкін. Бірақ та жай адам түсі уахи емес, «қуанышты хабар» болып табылады. Түсінде бір бауырының қажылық жасағанын, біреудің Құран оқығанын немесе тағы басқа ізгі амалдарды істегенін көрсе, ол адам сол бауырын қуантуы керек.
Қарапайым адам шыншыл түс көріп, сол арқылы шариғи үкімдер шығара алмайды. Шыншыл түспен үкім жасау тек пайғамбарлардың қолынан келетін іс. Мысалы Ибраһим (а.с) баласы Исмағилды құрбандыққа шалуы осының дәлелі. Ибраһим шыншыл түс көріп, түсінде баласын құрбан етіп жатқанын көреді. Бұл «Аллаһ бұйрығы» деген үкім шығарып, баласын құрбан етуге беттегенде, Аллаһ риза болып, оның сыннан өткенін сүйіншілейді. Демек, түстен үкім шығару пайғамбарлар ісі. Ал қарапайым адамдар көрген түстен емес, пайғамбарлардың сөздерінен үкім шығарады. Себебі Аллаһ тағала өзінің пайғамбарларымен уахи арқылы хабарласып, басқа адамдармен пайғамбарлар, қасиетті кітаптар арқылы хабарласады. Сол үшін де «шыншыл түс» көрген адам: «Бұл Аллаһтың маған берген хабары» деп түсінен үкім шығаруына болмайды.
Шыншыл түсті тек қана ізгі адам емес, тіпті кәпір адам да көруі мүмкін. Алайда кәпір адамның шыншыл түс көруінде бір хикмет болады. Құрандағы Жүсіп /Юсуф/ оқиғасын еске алсақ, кәпір патша бір түс көріп, ол түсін қалың бұқараға жорытады. Ешбірі де ол түстің жорылуын біле алмай, ақыры зынданда отырған Жүсіпке /Юсуфқа/ жорытады. Аллаһ тағала осы жерде хикметімен Жүсіпті /Юсуфты/ түрмеден шығарып алады. Кәпір адамның шыншыл түс көруі оның құрметтілігіне көрсетілді деп айтпаймыз, керісінше сол адамның шыншыл түс көруі арқылы Аллаһ хикметін жүргізіп, ізгі адамдарға жақсылық жасайды деп айтамыз.
Демек, қазіргі кезде біреулер түс көріп, "Түсімде аян алдым" деп айтуы дұрыс емес, себебі жоғарыда айтып кеткендей, аян алу, уахи алу тек пайғамбарлар ісі. Ал адамдар аян ала алмайды. Ал енді түсінде бір атасын-бабасын көріп, ол оған: Балам намаз оқыдеп кіруі бұл аян емес, бәлкім жын осылай жасау арқылы сол адамды адастыруға дайындайды. Себебі исламда уағыз жасағанда ең алдымен намазға емес, ең алдымен таухидке көңіл бөлу керек. Ал енді әлгі ата-бабасы намаз оқы деп бастауы себепті біз ол жын немесе шайтанның елесі екенін біле аламыз. Себебі жындар намаз-ораза деген жақсы жарнамамен келіп, адамды ширкке итереді. Ал ширктен кейінгі құлшылық пайдасы болмайды.
Сондай-ақ, жай қарапайым мысал келтірейік: түсіңізде ата-баба тіпті пайғамбар келіп: Әй, бәленше, сен енді намаздарды оқымай ақ қой, немесе сен тек сүннет намаздарын оқы-десе,сіз мұны орындауыңызға болмайды. Себебі жоғарыда айтып кеткендей, түстен үкім шығарып, өңімізде қолдануға болмайды, себебі түстен үкім шығару пайғамбарлар ісі. Анығын Аллаһ біледі.
А. Махыпбекұлы.

Негізі мұсылман бір нәрсені айтқан кезде, әсіресе білімі жетпейтін дүниені немесе о дүние, періштелер, жындар сияқты ғайып дүниені айтқан кезде Аллаһ пен Оның елшісі не айтса, соны ғана айтады. Олардың айтқанынан өзгені немесе олардан асырып ешнәрсе айтпайды. Өйткені Құранда Аллаһ Тағала айтады:
«Өзің білмеген нәрсенің соңына түспе». (Исра сүресі 36)

Және мұсылман Раббысының айтқанына мүлтіксіз сенеді. Оның ақ дегенін ақ, қара дегенін қара дейді. Өйткені хақ – Аллаһ жақта.

Сол себептен Аллаһ Тағала бұл дүниені, әрі бұнда болып жатқан нәрселерді қандай түрде жараттым десе – біз де сондай түрде деуіміз керек. Одан өзгесіне бармауымыз керек.

Ендеше Раббымыз дүние тіршілігін қияли дей ме, әлде шындық бойынша дей ме, Раббымыздың айтқанына құлақ салайық:

«Көктерді де жерді де әрі екі арасындағы нәрселерді де ойыншық қып жаратпадық.
Екеуін шындық бойынша жараттық. Бірақ олардың көбі оны білмейді». (Духан сүресі 38-39)

«Көктер мен жерді, әрі екі арасындағыларды шындық бойынша жараттық, әрі белгіленген бір мерзімге. Ал сенбегендер (қарсы болғандар) – ескертілген нәрседен бет бұруда». (Ахқаф сүресі 2)

«Аллаһқа қалайша сенбейсіңдер? Өлі едіңдер, сендерді тірілтті. Тағы өлтіреді. Соңыра қайта тірілтеді. Сосын Оның алдына қайтарыласыңдар.
Ол сондай – сендерге жер жүзіндегі барлық нәрселерді жаратты. Сонан кейін аспанға көңіл бөліп, оны жеті қабат көк етіп тәртіптеді. Ол әр нәрсені толық білуші». (Бақара сүресі 28-29)

Сонда қарасақ, қияли деген бір сөз жоқ. Және қияли қылудың не қажеті де бар еді, мұның бәрін ақиқи қылу Аллаһқа ешқандай-ешқандай қиын емес те. Күшіміз жетпесе қиялмен істеп кететін – ол біздер. Ал Аллаһ әр нәрсеге құдыреті жетуші. Бұның бәрін ақиқи түрде істеу – Оны еш машақаттамайды.

«Расында көктер мен жерді және екі арасындағы нәрселерді алты күнде жараттық. Еш шаршамадық та». (Қаф сүресі 38)

Алайда матрица философиясы әсер еткен кейбір адамдар бұл дүниені, бұнда болып жатқан нәрселерді түсінуде Исламның үйреткенінен ауытқи бастаған. Алайда ақиқат адам жақта емес, ақиқат - Аллаһ жақта. Аллаһтың Кітабы мен Пайғамбардың Сүннетінде. Сол себептен Аллаһ пен Оның елшісі не айтса, соны айтуымыз керек. Одан өзгесіне аспауымыз керек.

Сахабалар да, оларға Пайғамбар бір нәрсе айтқысы келіп сұрақ қойса, олардың айтатын сөздері: «Аллаһ пен Оның елшісі жақсырақ біледі» - деп Пайғамбарға құлақ асатын. Және «Естідік және иман келдірдік!» - дейтін.

---------------------------------------------
Марица философиясы – бұл дүниеде болып жатқан нәрселер шындығында болып жатқан жоқ. Ол тек сенің қиялың ғана, елес деп түсіндіреді. Бұл Ислам ақидасына жат сенім.

Бұл жайлы ешқандай дерегім жоқ. Бар болса бөлісе отырсаңыздар...

Шыншыл түс өңіңде орындалуы мүмкін. Өзге түстерден бір айырмашылығы осында. Бұл жәй қуанышты хабар ғана. Ал, түс жору - ғайыпты болжауға жататындықтан болмайтын нәрсе деседі...