Жұма, 16.Ноября.2018, 10:23
негізгі бет
· RSS
сайт мәзірі
соңғы діни мақалалар
•  Намаз адамды жалықтыра ма?
•  Ұлықбек Алиакбарұлы: "Жаңа заманға сай жаңа медианы меңгерген имам керек"
•  ОРАМАЛ ТАРТҚАН – ЕРСI, АЛ КIНДIК АШҚАН ШЕ?
•  Азия парктен жік шықты, екі құлағы тік шықты
•  Сапар айы (Сафар айы)
•  Шіркеу қазақша сөйлей бастады. Бұл нені аңғартады?
•  Фиқһ әл-ғибадат
•  Желтоқсан – жанымның жарасы
сауалнама
"АСЫЛ АРНА" телеарнасын қайдан көресіз?
Жауап берілді: 1659
 Діни мақалалар
Негізгі бет » Мақалалар » Қазақша мақалалар » Ислам және жанұя


ОРАМАЛ ТАРТҚАН – ЕРСI, АЛ КIНДIК АШҚАН ШЕ?
Адамнан жасыра алмағаныңды, Алладан жасыра алмайсың: қазақ – өте аңқау, ғұмыры басқалардың алдау-арбауына баладай сенiп, барынан айрылумен келе жатқан ұлт. Оған не орыс, не шүршiт келiп: "Сендер керемет қонақжай халықсыңдар", – деп мақтаса болды, дастарқанындағы ең дәмдiсiн де баласының аузынан жырып соларға бередi. Қазекем Ресейден азаттық алдық деп шәпкесiн аспанға лақтырып жүрген соңғы 20 жылда да бұл аңқаулығынан арылудың орнына бұрынғыдан да аңқауланып, танауы делдие түстi. 

Қазақтар қазiр "бiздi әлем таниды", "бiздi әлем мойындайды" деген мақтан сөздi ұран қып алды. Бұрын қазақты әлемге Абай, Мұхтар танытты деп мақтанатынбыз. Қазiр шетелге барып ән салып келген шалағай әншiнi де, итальянша, ағылшынша өлең айтып, скрипка тартып келген қаршадай қыз бен кекiлi жалбыраған ұл да қазақты әлемге танытып келген болып шықты. Оның бәрiн қойшы, бiз ендi Еуропа мемлекеттерi ислам дiнiне қандай шабуыл жасаса да соларды қолдауға, қолдамасақ, "үндемей үйдей пәледен құтылуды" ойлайтын болған сияқтымыз. Қарап отырсаңыз, елiмiзде тыйым салынған дiни ағымдардың бәрi ислам дiнiнiң ағымдары. Ал қыз-жiгiттерiмiздi азғындатып, бiр отбасын бiрнеше сектаға бөлiп, тiптi қазақша балабақшаларға барып сәбилерiмiздi кәмпитпен, ойыншықтармен алдарқатып, жат тәрбиеге көзiн үйретiп жүрген басқа дiни ұйымдардың бiр де бiрiне өкiметтегiлердiң ешқайсысы "тәйт" деуге бармай отырғаны және рас. Қазiр iрiлi-уақты өкiмет басындағылар түгiл, банктен несие алып, баласының туған күнiн тойлайтын парықсыздарымыздың өзi жетi қыр асып келген келiмсек көрсе, желеп-жебеушiсiн көргендей бүкiл оттауы мен күйттеуiн соған қарап жасайтын болды. Бүгiнгi қазақтың соңғы он тоғыз жыл iшiнде әбден кәпiрленiп, өзiнiң ұлттық, дiни намысының қанын қара жерге төккенi сондай – ол басқа кем-кетiгiнiң орнын түп-түгел толтырып болғандай-ақ, ендi орамал тартқан қыздарын қаралап, соларды ортасынан аластауға шықты. Әлде көргенсiздiгi ме, әлде "айтақ" десе тұра шабатын надандығы ма қайдам, кейбiр жоғары оқу орындары мен орта мектеп басшылықтары сабаққа қыздардың орамал тартып келуiне тыйым салыпты. Ал бiрақ омырауын ашып-шашып тастаған, қарнын жарқыратып, кiндiгiн үңiрейтiп қойған, бұтында әуратын жабар-жаппас алақандай ғана бұтжапқышы бар, белден төмен бiраз жерiн көрсетiп қойып, оның үстiне сурет салып қойған, ар-ұяты, ата-баба дәстүрiн аяққа таптағаны және моральдық азғын екенi ап-анық көрiнiп тұрған арсыздарға тосқауыл қояйық, заң қабылдайық деген сыңар ауыз сөздi не советтiк 70 жыл бойы, не Ресейден азаттық алдық деп желпiлдетiп жүрген 20 жыл бойы ешбiр баспасөзден оқып, көрмеген едiк. Қазiр қазақ баспасөзiн оқып отырсаң, Қазақстанның тәуелсiздiгiне қатер төндiрiп отырған бiр отбасын екiге, үшке бөлiп жатқан, ұлттық салт-дәстүрден, қазақы тәрбиеден, қасиеттi ислам дiнiнен айырып, Еуропадан ағылып келiп жатқан христиан дiнiнiң секталары емес, орамал тартқан қазақ қыздары екен деп қалуға болады.
Егер кейбiр қазақ баспасөзiнде, басқа да ақпарат құралдарында қызмет етiп жүрген қазекемдер соншалықты зерделi, парық-парасатты болса, ең алдымен әлгiндей абыройын ашып, жалаңаш-жалпы жүрген, арақ-шарап iшiп, көшеде аузынан темекiсiн бұрқыратып, жұрттың көзiнше боғауыз сөздi судай сапырып жүрген қыздарға тыйым салуды басты мәселе етiп көтерер едi-ау?! Шындығында елдi, ұлтты азғындатып, кiшкентай сәбилерiмiздi бұзатын сол азғындар емес пе?! Ал орамал тартып жүрген қыздар арақ iшiп, көшеде мас болып, боғауыз айтып тәртiп бұзыпты, ана тiлiмiздi, дiлiмiздi, ата дәстүрiмiздi аяққа басыпты дегендi естiген де, көрген де емеспiз!
Жақында Алматыда азаматтардың дiни сенiм бостандығын қамтамасыз етуге арналған республикалық кеңес өтiптi. Кеңесте сөйлегендердiң сөзiн оқып отырсаңыз, Қазақстанда небiр iшкi жайсыздықтарға орамал тартқан, ұзын көйлек, яғни кимешек (хиджаб) киген қыздар себеп болып отыр деп ойлап қала жаздайсың. Әсiресе Оңтүстiк Қазақстаннан келген "Нұр Мұра" қоғамдық бiрлестiгiнiң төрағасы Абдолла Бақадыр деген азаматтың "уайымы" тiптi қатты екен: "Қазiр хиджаб киюшiлер көбейiп барады. Бұл бiздiң дiнiмiзге жат, – дей келiп, – осы хиджаб өзге дiндермен ара-қатынасты оң жолға қоюға кедергi болып отыр", – деп қиналады. Апыр-ау, егер олармен оң жолда, бiр жолда жүру керек болса, олардың жастарымызды, ұрпағымызды аздырып, азғыруына қарсы күресудiң не қажетi бар? "Нұр Мұраның" төрағасы ендi бiр сәтте мына жалған дүниедегi бүкiл шаруасын тәмамдап, ендi қыз аңдуға шыққандай "85 қыз мектепке хиджаб киiп барып жүр" деген мағлұмат бередi. Оған қарағанда Мәдениет министрлiгiнiң дiни ұйымдардың жұмысы бойынша бөлiм бастығы Б. Әмiрбековтiң сөзiнде әр нәрсеге парық-парасатпен қарау, зейiн, зерделiлiк бар екен. Оның:
"Бүгiнде Қазақстандағы жалған дiни ұйымдар балалар мен жастарды шетел тiлiн үйрету курстарына, экологиялық форумдарға, "қарым-қатынас мектебi" деп аталатынға, психологиялық семинарларға, қайырымдылық және сауықтыру курстарына, жастар конференцияларына, демалыс лагерлерiне шақыру және тағы басқалар арқылы өз қатарларына қосып алуда" деуi – бүгiнгi қасiреттi шындықтың анық дәлелi. Қарап отырсаңыз, қазекемнiң көзi ашық оқығаны да, шала сауаттысы да бiреулер "Айтақ!" десе тұра шабатынына таң қаласың. Тұра шапқанда да өз ұлтын, өз дiнi мен өз дiлiн, салт-дәстүрiн өзекке теуiп, өзгелер үшiн өзiн құрбан етуге даяр тұратын арсыз, намыссыз, парықсыздығына не дерсiң?! Әйтпесе әлгiндей жалаңаш жүрген, iшкенi арақ-шарап, тартқаны темекi, айтатыны боғауыз, кез-келген жерде кез келген өзге ұлт өкiлiмен төсектес бола кететiн азғынбикелермен күресудiң орнына, орамал тартып, бұтын ашпай ұзын көйлек киiп жүрген инабатты аруларымызды жамандап, ортамыздан оқшаулайтындай надандыққа бармас едiк қой. Қайта бұл қыздарды әлгi азғындарға үлгi етiп ұсынсақ-шы!
Қазекең бiреудi жамандаса, сол байғұсқа бәрi жабылып, ит тартқан терiдей жұлым-жұлым қылады да, бiреудi мақтаса оны аспанның арғы бетiнен бiр-ақ шығарып, содан кемiнде 20-30 жыл жерге түсiре алмай, әуреге түседi. Қандай шайтан азғырып жүргенiн кiм бiлсiн, қазекемдер қазiр арабтарға тиiсетiндi шығарды. Қазiр қазақ басылымдарын оқып отырып асу-асу белдердiң, қу медиен шөлдердiң аржағында күнiге бес уақыт намазын оқып, оразасын ұстап, Аллаға құлшылық етiп жүрiп жатқан ең бiр бейбiт халық арабта несi бар екен деп те ойлаймыз. Олар 70 жыл бойы да, тәуелсiздiк алдық деп тебетейiн аспанға атып жатқан бүгiн де қазақтың тiлiн құртып, ұрпағын арақ пен темекiге, жезөкшелiкке салындырып, азғындатып, газы мен мұнайын арзан тиын-тебенге алып, өзiне қайтадан қымбатына сатып жатқан орыстарды айтуға батылы бармайтын сияқты. Тiптi АҚШ-қа арқа сүйеген Израильдiң кейбiр араб елдерiне жасап отырған небiр қысастығы туралы да қазақтар тiс жарып, iшiн ашпайды. Оның орнына қасиеттi Ислам дiнiнiң өзiн араби және қазақи ислам деп екiге бөлiп, хиджаб киiмiн арабтiкi деп күстаналауға шықты. Жақында жамағатқа белгiлi бiр журналист телеарнада бильярд ойнап тұрып, мен Абайдың дiнi деген дiндi жақтаймын деп лағып кеттi. Ал киелi Құран Кәрiмде: "Әй, адам баласы, сен ұятты жерiңдi жабу үшiн киiм және сәндi бұйымдар түсiрдiк. Негiзiнде, тақуалық киiм жақсы", – деп жазылған ("Ағраф" сүресi, 26-аят).
Қазiр кешелi-бүгiнгi орыс адамдарынан цитата келтiрiп отыруды кемеңгерлiк деп ойлайтын қазекемдердiң өзi А.С. Пушкиннiң де мұсылман әйелдерiнiң паңдығын, тәкаппар, сырбаз, маңғаз жүрiс-тұрысын, жәннаттың самалындай желпiген киiмiне таңырқап, оларды арайлап атқан ақ таңдарға, арлылық пен намысқойлықтың рәмiзiне теңеп, үстiндегi желбiреген жамылғысы сұмдардың сұқ көзiнен сақтап тұр, олардың үлбiреген жүзi қандай деп тамсана жырлағанын не бiлмейдi, не айтқысы келмейдi.
Кейде қазақтың осындай "өркениетшiлсымақ", осындай "мәдениеттiсымағының" аржағында саяси сауатсыздық пен халықаралық жағымпаздық жатқанын да көргендей боласың. Олар егер шын надан болмаса орамал тартқандарға емес, қазiр қазақ жастарын қазақтығынан айыруға арналып, қазақ жерiнде кеңiнен таралған "Хэллоуин", "Валентин күнi", "Татьяна күнi", деген мерекесымақтарға қарсы тұрар едi ғой.
Айтпақшы, жақында Қордай ауылындағы "Зекет" қайырымдылық қорының директоры Райхан Шынтасовадан хат келдi. Қордай ауылындағы Б.Бөлтiрiкова атындағы мектепте орамал тартқан қыздарға жасалып отырған қатыгездiк, қорлық шаралары туралы оқығанда шынымен-ақ Қазақстан билiгi қайтсек Еуропадағы антиисламдық жабайылықтарға жағымпаздану саясатын жүргiзiп отыр-ау деген де ойға кетесiң. Әйтпесе сонау Қордайдағы мектеп директоры Г.А. Солодовников дегеннiң бұл мектепте оқитын, киелi де қасиеттi ислам дiнiн құрмет тұтатын қыздарға психикалық езгi жасалуына, олардың конституциялық хақысы бұзылуына жол берiп, бұл орайда өзiне ресми түрде үш қайтара жазылған хатқа жауап берудi де қажет демегенiн бiздi басыну демей не дейсiз?! Бiздi дейтiн себебiмiз Қазақстан халқының 80 пайызға жуығы қасиеттi ислам дiнiн ұстанады. Қазiр бұл мектептегi орамал тартатын қыздарға жүйелi түрде психикалық та, моральдық та қысым көрсетiледi екен. Сондағы олардың бар жазығы басына орамал тартып, юбкасын тiзеден жоғары көтермегенi ғана. Мектеп директоры Г. Солодовников ҚР Конституциясындағы 19-шы бапта "әркiм өзi қалаған дiндi ұстануға және оны көрсетуге де, көрсетпеуге де хақылы" деп жазылғанын бiлмей ме? Ал осы Ата заңымыздың 14-шi бабында "дiнге көзқарасына байланысты ешкiмдi кемсiтуге болмайды" деп атап тұрып көрсетiлгенi ше? Т. Солодовников оны да бiлмей ме? Ендеше ол өзi тұрып жатқан Қазақ Мемлекетiнiң заңын сыйламайтын болғаны ма?
Рас, бiзге демократия үйретемiз деп өздерiнiң небiр сұрқия мақсат-мүдделерiн жүзеге асырып жүрген Батыс Еуропа елдерiнде ислам дiнiне, мұсылмандарша киiм кигендерге қарсы күрес ашықтан-ашық жүргiзiлуде. Олардың кәпiри демократиясының сиқы сол. Әсiресе Англияда, Францияда, Германияда, Нидерландта, Бельгияда, Дания мен Норвегияда мұсылман азаматтарына қарсы нәсiлшiлдiк, ксенофобия, исламофобия өрттей қаулап тұр. Ресейдегi скинхедтер мен "наши" деп аталатын қанiшер ұйымдардың азиялықтарға, мұсылмандарға қарсы iстеп жатқан хайуандықтары анау. Оларға Ресейдiң өкiмет орындарынан, заң орындарынан ешқандай тыйым болмай отырғанын қалай түсiнемiз? Жақында Тило Заррацин деген әлде еврей, әлде немiстiң жарық көрген кiтабы өзiнiң исламға қарсы өшпендiлiгiмен талай елдi дүрлiктiрдi. Кiтаптың бүкiл мазмұны – Еуропаны, оның iшiнде Германияны мұсылман мигранттар басып барады, бұл немiстiң ғана жерi болуы керек, мен бұл жерде басына орамал байлаған мұсылман қыздарын көргiм келмейдi дегенге саяды. Және осы Заррациндi Германияның үкiмет басындағылары да қолдап отыр. Германияның бiздiң "Егемен Қазақстан" сияқты ең iрi газетi "Бильд" осы орайда ел президентi Кристиан Вульфке " Президент мырза, исламның алдында неге сонша жорғалайсыз?" деген тақырыпта мақала жариялады. Ал бiзде ше?
Бiздiң мектептер мен ЖОО-дағы жағдаят әлгiндей. Әнеугүнi Алматыда бiр ғана түнде 125 жеңiл жүрiстi қыз ұсталды деген хабарды оқыдық газеттен. Ал Сейфуллин даңғылының бойындағы қонақүйдiң бiрiнде бiр мезгiлде 65 қыз жезөкшелiкпен айналысып жатыр екен. IIД-нiң мәлiметтерi бойынша бұл қонақүйге күнiне бiрнеше жүз жезөкше қыз бен олардың "дәмiн татушылар" келедi екен. Ал ендi бұлардың бiрде-бiрi орамал тартып, хиджаб киген, киелi ислам дiнiн ұстанған қыздар емес. Ендеше, ислам үлгiсiмен киiнiп, аузына арақ татпайтын, қолына темекi ұстамайтын қыздарымызды төбемiзге көтерейiк те! Жақында Атыраудағы агротехникалық колледжде оқитын мұсылман қыз орамал тартып, кимешек кигенi үшiн оқудан шығарылып жiберiлдi. Осы Атырау университетiнiң бiр топ қыздарын мұсылмандық үлгiдегi киiм кигенi үшiн бiрнеше күн дәрiсханаға кiргiзбей қойған. Олардың бiрсыпырасы амалсыз көйлектерiнiң етегiн шолтитып қырқып тастаған. Осының өзi-ақ қазақтың, әсiресе атқамiнер қазақтар мен солардың желөкпе жандайшаптарының шаш ал десе бас алатын, өзiнен күштiлердi ғана, өзi кiмнен қорықса соны ғана сыйлайтын "жануаризмiнiң” айқын көрiнiсi болса керек. Өйтпесе, ақыл-есi түзу қазақ қыздарының орамал тартып, кимешек кигенiне емес, санын жарқыратып, омырауын ашып қойып, аузынан арақ пен сыра исi бұрқырап, көк түтiн қып темекi тартып, боқтық сөздер айтып, әркiмнiң құшағында кетiп бара жатқанына намыстанып, соларға тыйым салар едi-ау. Бұл да қазiргi қазекемнiң ар-намыстан жұрдай боп, әбден еуропаланып, мәңгүрттенiп болғанын көрсетiп-тұрған жоқ па екен?

Мырзан КЕНЖЕБАЙ  http://www.turkystan.kz/page.php?page_id=36&id=5791


Категориясы: Ислам және жанұя | Ендірген: Dinislam_Kz (13.Мая.2011) | Авторы: Мырзан КЕНЖЕБАЙ
Көрілді: 16414 | пікірлер: 7 | Рейтингі: 4.8/59 |


Барлық пікірлер: 7
23.Февраля.2012 Спам
7. Самат
макала керемет.арине тусинетин жан болса

[пікірдің сілтемесі]
25.Января.2012 Спам
6. bota
as.kum allahim sizge razi bolsin ote keremet makala eken...

[пікірдің сілтемесі]
10.Декабря.2011 Спам
5. Айша
Рахмет өте жақсы жазылған мақала. Алла разы болсын сізге

[пікірдің сілтемесі]
27.Октября.2011 Спам
4. Димаш
Сізге Ризамын Азамат! Рахмет! Өте керемет мақала!

[пікірдің сілтемесі]
28.Сентября.2011 Спам
3. Айшат
МашАллах!!! Аллах сизге разы болсын. бир окиништиси бундай макалаларды тек карапайым халык кана окитыны. мемлекет басындагылар окыса...

[пікірдің сілтемесі]
09.Июня.2011 Спам
2. Муслим
Еліміздегі Ислам жолында жүрген, Аллаһ Тағаланың ризылығын үміт еткен жағдайы бар кісілер көмекті молынан көрсетсе жақсы болар еді. Мысалы, әрбір қалада бір-екі мектпетен ашса (тек қана дінді емес, соынмен қатар жай сабақтарды жүргізетін, сосын ер балалар бөлек, қыз балалар бөлек, кезінде қазақ-түрік лицейлері ашылды ғой - сол секілді) және ол мектепке тек қана орамал жабылған қыздарды алса, ондай мектепте біріншіден тәртіп өте керемет болады деп ойлаймын және ондай мектепте, айтыңызшы, қандай мұғалім жұмыс істегісі келмейді?? Өйткеін былай қарасаңыз еуропаға еліктеп бара жатқан, жалаңаш қыздар, арақ-шарап, темекі шегіп жүрген ұл-қыздар оқитын мектептерде тәртіп өте нашар болады. Тіпті тек жалағыға бола жұмыс істеп жүрген мұғалімдерді көресің, әйтеуір шыдап жүрген. Ал мұсылман қыздар, мұсылман ұлдар оқитын мектептерге менің ойымша мұғалімдер өздері-ақ келеді деп ойлаймын. Дауғатты біріншіден сол кісілерге жасау қажет.

[пікірдің сілтемесі]
30.Мая.2011 Спам
1. Мумина
МашАллах! Керемет макала Аллах разы болсын! Сиз сиякты динге жан ашыр азаматтар коп болса мундай жагдайларга жол бермеси анык! Аллах сизге куш куат берип Ислам динин куаттап отыруды насип етсин! АМИИИН!

[пікірдің сілтемесі]

Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.


© 2008-2015 Діни-танымдық сайт. [Абу Ханифа мазхабы бойынша]
Сайттағы мәліметтерді жариялаған кезде гиперсілтеме жасалуы тиіс
Сұхбаттағы (форум), шәйханадағы (чат) жазулар мен сайттағы білдірілген пікірлер сайт көзқарасы болып саналмайды


кіру / тіркелу
Логині:
Құпия сөз:
жарнама орныңыз
іздеу
© Расулуллаһ.Кз
Н.Төреқұлов мешіті

САНАҚ




Бүгінгі зияратшылар:

Соңғы тіркелген қолданушыға сәлем: princedastanbek

Сайтта тіркелгендер
Барлығы: 4025
Осы ай ішінде: 0
Осы апта ішінде: 0
Кеше: 0
Бүгін: 0